31. bir yaxın qohum var. iki ilə yaxındı xərçəng diaqnozu qoyublar. indi də ölüm ayağındadı. çox güman ki tezliklə vəfat edəcək. amma iki ildir ki hamı onun ölümü ilə barışıb elə bil. onun ölümünə iki il qabaq üzülüb qurtarıblar, amma adam hələ də yaşayır, təsəvvür edin. yaxınları bir-birindən soruşur "kənddə nə xəbər var?" yəni ki sağdı filankəs hələ? hüzür nə vaxtdı? amma iki il bundan qabaq öləcəyin bilinəndə hamı pis olmuşdu. bu o deməkdir ki, sənin öləcəyin bilinəndə daha artıq ölmüş kimi bir şey olursan. varlığın artıq bir yükə çevrilir. vay o günə ki, ölünəcəyin bilindiyi halda çox yaşayasan. onda yaxınların səni özləri öldürə ki "biz sənin ölümünə artıq illər bundan qabaq üzülmüşdük. indi də səni ölü olaraq xatırlamaq istəyirik. sən nə haqqla yaşayırsan indi?"